Durante este curso o alumnado de 1º e 2º de FP Básica de Agroxardinería e composicións florais creou unha horta no eido do instituto. Esta horta dividiuse en dous espazos, un socalco á beira da arquitectura viva e un invernadoiro na zona Sur do eido.
Mirade que boa colleita!
Mais, isto foi comezar polo tellado. Contámosvos aquí o proceso de creación da horta desde outubro de 2025 ata obter os resultados que vistes na anterior fotografía.
En outubro comezaron os labores de acondicionamento do terreo e de montaxe do invernadoiro
Continuaron os traballos no invernadoiro e en decembro xa estaba creado o bancal interior e instalada a mesa de sementeira, para ter as plantas ben protexidiñas na estación invernía.
En marzo foi instalado o rego por goteo e comezaron a nacer as sementes.
En abril comezou a preparación do socalco exterior no SL do eido, ao lado da arquitectura viva.
En maio a horta comezou a verse vizosa, co sistema de rega automatizada por goteo xa en marcha nos días de calor.
En xuño xa comezou a colleita: as acelgas foron as primeiras, seguidas de cabaciñas e outras hortalizas que iran madurecendo ao longo dos meses de verán.
Moitos parabéns ao profesorado e alumnado de FP Básica de Agroxardinería e composicións florais por este excelente e saboroso traballo!
Ningún comentario:
Publicar un comentario