O 26 de febreiro, o alumnado voluntario de Radio na biblio recibiu a formación anual para coñecer o funcionamento da radio e elaborar un programa. A docencia foi impartida por Laboratorio de radio e financiado polos programas Ponte...nas Ondas! e radio na biblio.
Durante a xornada de formación o alumnado, con axuda de Sergio, aprendeu técnicas de relaxación, concentración e vocalización, familiarizouse cos aspectos técnicos básicos, adquiriu coñecementos sobre os elementos dun magazine ou programa de variedades e creou e desenvolveu o seu propio programa.
A sesión de formación realizouse cunha mesa de son Rode, o que permitiu ao alumnado e profesorado familiarizarse con ela e valorar o seu uso complementario coa mesa de son xa dispoñible no estudo de radio do centro.
Ningún comentario:
Publicar un comentario