Obradoiro de moda grecorromana

O Departamento de Grego do IES de Ames convidou o Departamento de Grego do IES Eduardo Pondal a que nos deleitasen  cun  obradoiro  de moda clásica. 

Os alumnos e alumnas de Cultura Clásica, Grego e Latín, así como o alumnado do Club de lectura de Antigüidade Clásica aprenderon  a facerse e vestirse cun “hymatión", un “pelo xónico” ou unha toga romana. Tamén imitaron escenas emblemáticas de cerámica grega. 

O alumnado rematou a xornada facendo unhas coroíñas para asistir a un simposio e tattoos clásicos con fermosas frases de Homero, como οίνοψ πόντος (mar cor de viño),  ou μολών λαβέ ("vén collelas"), a desafiante resposta do rei espartano Leónidas aos persas cando lle pediron que depuxera as armas; a famosa "Alea iacta est", que pronuncia Xulio César ao cruzar o Rubicón ou o fermoso verso de Píndaro σκιάρ όναρ ανθρώπος, "o home é soño dunha sombra".

Agradecemos moito  a profesora Susana Losada Soto e aos seus alumnos Hugo, Alexandra, Aldara e Eva a sua xenerosidade ao compartir connosco o seu tempo e o seu saber. Parabéns ao noso alumnado polo seu traballo no obradoiro!