Os días 2 e 3 de maio, os alumnos e alumnas de 4º de ESO A e B da materia de Xeografía e Historia participaron no Intercambio territorial a Guimarães ofrecido polo Proxecto Terra.
O intercambio territorial ten como obxectivo achegar á mocidade ao patrimonio natural e cultural de Guimarães. O alumnado visitou a Citânia de Briteiros, o Mosteiro de Souto São Salvador, O Monte da Penha, e o Centro de ciência viva.
O día 3 de maio, os alumnos e alumnas visitaron a cidade patrimonio da humanidade de Guimarães. O percorrido comezou na zona de curtidorías tradicionais da que formaba parte a pousada na que estaban aloxados e continuou coa visita á zona antiga da cidade onde participaron nun xogo de descoberta do centro histórico. Finalmente o grupo achegouse ao pazo de Bragança e visitou o Castelo de Guimarães.
Ningún comentario:
Publicar un comentario