A biblioteca sae ao eido

Aproveitando o bon tempo, a nosa biblioteca abriu as súas portas e ventás e espallouse polo eido do centro en colaboración co proxecto Patio con(vida), que se está a realizar dentro do Proxecto Terra e ao abeiro do Plan Proxecta da Consellería de Cultura, Educación e Universidade. 

Os alumnos e alumnas de 4º ESO B desfrutaron da selección de xogos de mesa que este curso aumentou significativamente. Nas vindeiras semanas, e aproveitando que o tempo vai estar estable e máis cálido, a biblioteca realizará máis actividades de lectura ao aire libre.

Animádevos a participar!