Mapas divertidos

O martes,  30 de novembro, os alumnos e alumnas de 1º ESO de Paisaxe e sostibilidade e Hábitos saudables participaron nun obradoiro de cartografía titulado Mapas divertidos, que pretende achegar a cartografía aos máis novos e novas. Estes obradoiros foron impartidos por Álex e Alejandro, de Tysgal Consultores, en colaboración coa Facultade de Xeografía e Historia da USC e Tysgal consultores.

No obradoiro os alumnos e alumnas traballaron con fotografía aérea antiga e recente, e sobre esta última realizaron unha análise espacial. 

A seguir, os alumnos e alumnas crearon un mapa mental do camiño escolar que percorren para vir ao instituto cada día, e ofreceron propostas alternativas para modificar os aspectos dese camiño que non lles gustan. Nesta ligazón podedes ver os mapas mentais realizados.