Fixástesvos no lixo que hai no noso patio? Reparastes en que malia termos un total de 20 papeleiras espalladas polo noso eido moitas delas están baleiras? Observastes luces accesas en espazos onde non hai ninguén?
Se isto non vos parece axeitado e queredes contribuír a conseguir un centro máis limpo, máis acolledor e máis sostible tanto para o medioambiente como para as persoas que aquí convivimos, agora podedes facelo uníndovos ao Comité climático.
Tedes toda a información na presentación a seguir. Animádevos a unirvos a outras persoas que pensan coma vós para mellorar o espazo que compartimos e parar a crise climática!
Se queredes participar acudide á reunión informativa que faremos o vindeiro xoves, 14 de outubro, no primeiro recreo no SUM (salón de usos múltiplos).
Ningún comentario:
Publicar un comentario