Todo é diferente desde que comezou a pandemia de Covid-19, e o Entroido non podía ser menos. Este ano non puidemos disfrazarnos no centro como facíamos todos os anos, nin cantar, nin bailar nin facer troula, mais todas estas precaucións han servir para preservar a saúde de toda a comunidade educativa e a sociedade en xeral, e podermos volver máis axiña á normalidade.
Malia a pandemia desexámosvos unhas felices minivacacións. Esperamos que desfrutedes deste tempo de descanso, degustedes a gastronomía típica desta celebración e sobre todo que manteñades a alegría e os ánimos destas festas.
Deixámosvos un enlace para que xoguedes un pouquiño a facer a vosa música de entroido e outro para que escoitedes a canción Non pare a festa, d'Os amigos dos músicos, que nos anima a desfrutar do Entroido.
Ningún comentario:
Publicar un comentario