Éxitos da nosa comunidade educativa

O alumnado e profesorado do noso centro non para de colleitar éxitos no eido do deporte, das artes ou da literatura entre outros. Poñémosvos ao día dalgúns dos últimos dos seus éxitos.

A Tariku Novales, ex-alumno do centro, seguro que o coñecedes polos seus éxitos deportivos, mais  durante o confinamento atopou a inspiración para reconectar coa música e ofrécenos a canción Suficiente. Podedes ler sobre o seu proceso creativo nesta entrevista e ver o resultado no vídeo a seguir: 

Outro ex-alumno, Hugo Novoa, colleita éxitos no RB Leipzig e soña con formar parte da liga española e ser importante na Champions. Seguro que o consigue! Podedes ler a entrevista premendo aquí.

O profesor Jabier Ron publicou durante o confinamento o libro de poemas Os exilios que somos, xunto con Irene Tomé. Se non chegastes a tempo para a presentación do libro no Pazo da Peregrina, podedes consultalo con calma na nosa biblioteca.

O profesor Carlos Negro,  publicou a obra Tres poetas en estado de alarma, xunto a Vitor Baqueiro e Xosé María Álvarez Cácamo. Podes consultar a obra na biblioteca e desfrutar dos Coronahaikus escritos durante o confinamento.

O profesor José Antonio López Silva acaba de publicar unha edición crítica da obra Ensayo histórico sobre la cultura gallega, de Otero Pedrayo. Podes consultalo xa na biblioteca do centro.