Feliz verán de lecturas!

E chegou o 19 de xuño! Hoxe rematamos este curso tan diferente que nos tocou vivir. Malia as dificultades que atopamos na terceira avaliación seguimos adiante con ilusión e moitas ganas. Na memoria das actividades da biblioteca e a memoria do club de lectura podedes ver todo a morea de cousas interesantes que fixemos no curso 2019-2020.

Como todos os cursos, desde as bibliotecas de todos os centros escolarers de Ames preparámosvos unhas guías de lectura para o verán. Nestes enlaces podedes ver as recomendacións para alumnos e alumnas de secundaria e as recomedacións para alumnos e alumnas de infantil e primaria.

Desde a Biblioteca queremos darvos os parabéns por todo o traballo e a aprendizaxe deste curso e desexarvos un moi feliz verán de lecturas! Ata setembro!