Obradoiro da ordenación territorial e visita institucional

O 28 de febreiro, os alumnos de 3 ESO A e B da materia de Xeografía e Historia recibiron a visita de tres arquitectas da APLU (Axencia para a Protección da Legalidade Urbanística) que impartiron o obradoiro Eu son inspect@r urbanístic@. Coida do territorio, coida do teu, ao abeiro do Proxecto Terra. 

Durante o obradoiro, o alumnado recibiu a visita da Conselleira de Medio Ambiente, a Decana do Colexio de Arquitectos de Galicia (COAG), o Director da APLU e a Secretaria Xeral de Urbanismo, que se reuniron na Biblioteca do centro para asinar a renovación do convenio co Proxecto Terra, no que están a participar alumnos e alumnas de 3 ESO entre moitos outros centros de Galicia.