Guía de campo de árbores de Bertamiráns e mural sobre a natureza de Ames

O día 21 de xuño, presentouse o traballo de estudo e divulgación da flora e fauna de Bertamiráns realizado polo alumnado do instituto en colaboración coa Aula de natureza e a OMIX do concello de Ames.

O traballo estivo dividio en dúas partes: catalogación das especies arbóreas e realización dun mural.

Os alumnos de 1º de ESO,  coordinados polo profesor do departamento de Bioloxía e Xeoloxía, Roberto Amarelle, realizaron unha investigación sobre as 55 especies de árbores espalladas por xardíns, parques e rúas de Bertamiráns que resultou na colocación de 55 placas identificadoras e a publicación dunha guía sobre estas especies arbóreas.

Os alumnos e alumnas de 3º e 4º de ESO, coordinados pola profesora do departamento de Debuxo, Renata Otero, realizaron un mural 62 metros no paseo fluvial ao longo do cal se plasma a flora e fauna de Bertamiráns,

Podedes atopar máis información sobre este excelente traballo aquí e aquí. Facédevos cunha das guías e non deixedes de ir ver as placas identificadoras e o espectacular mural! Moitos parabéns polo traballo ben feito!