Día das letras galegas dedicado a Antón Fraguas

O Día das Letras Galegas deste ano está dedicado a Antón Fraguas, coincidindo co vixésimo aniversario do seu pasamento.

Antón Fraguas foi historiador, etnógrafo, antropólogo e xeógrafo galeguista. En 1923 fundou, xunto con outros compañeiros, a Sociedade da Lingua. Foi membro das Irmandades da Fala, do Seminario de Estudos Galegos e catedrático de ensino secundario depurado polo franquismo. Formou parte do Instituto de Estudos Galegos Padre Sarmiento e da Real Academia Galega. Foi director e presidente do Museo do Pobo Galego, membro do Consello da Cultura Galega e cronista xeral de Galicia.

A súa figura foi recoñecida en vida co Pedrón de Ouro, a Medalla Castelao, o Premio Trasalba, o Premio Otero Pedrayo, o Premio das Artes e das Letras de Galicia e o Premio San Martiño de normalización lingüística.

Antón Fraguas visitou o noso instituto no 1998, co gallo da celebración do 75 aniversario da fundación do Seminario de Estudos Galegos, como podedes ver na fotografía a seguir: