O xoves, 5 de novembro, levouse a cabo unha actividade conxunta do Club de Ciencia e o proxecto Ponte...nas Ondas! para conmemorar o Mes da ciencia en galego.
A actividade consistíu nunha charla-obradoiro do químico e divulgador científico Manuel Vicente, pioneiro na divulgación científica en galego e director do programa da RTVG Efervesciencia.
Manuel falou sobre divulgación científica e levou a cabo un obradoiro en elaboración de producións radiofónicas centradas na ciencia en galego, no cal, partindo das propias gravacións do alumnado no curso anterior, compartiu connosco os seus segredos para facer un programa de radio sobre ciencia entretido e de calidade.
Despois deste obradoiro, o alumnado está desexando comezar xa a elaborar os seus propios programas e poñer en práctica o aprendido. Estade atentos porque axiña teredes novidades dispoñibles!!
Ningún comentario:
Publicar un comentario