Arqueoloxía contemporánea do cotián

O alumnado da materia de Xeografía, Historia, Arte e Patrimonio de Galicia participou o día 4 de novembro na charla Que é o patrimonio? Arqueoloxía da casa labrega, impartida por Cristina Incio del Río, arqueóloga do Instituto de Ciencias do Patrimonio do Consejo Superior de Investigaciones Científicas (Incipit, CSIC).

A arqueoloxía é a ciencia que estuda as sociedades a través das súas producións materiais (obxectos, estruturas, etc.) mais, como demostrou Cristina, non só estuda as sociedades do pasado senón que tamén pode estudar sociedades máis recentes e mesmo actual. Ademais, a arqueoloxía non só investiga sobre personaxes poderosos e grandes eventos, senón que estuda tamén a vida cotiá das persoas anónimas. E diso, precisamente, nos falou Cristina das súas investigacións realizadas nunha casa labrega de Silva escura, no municipio de Forcarei.

Logo de compartir co alumnado os resultados do seu proxecto de investigación, Cristina amosou ao alumnado diferentes obxectos contemporáneos recuperados durante excavacións arqueolóxicas en niveis estratigráficos recentes.