O día 2 de novembro, visitou o noso centro o gandeiro e veterinario Davide Outeiro. Davide tamén é director técnico de BOAGA, a Federación de Razas Autóctonas de Galicia.
Davide charlou co alumnado de 2º de bacharelato da materia de Xeografía, Historia, Arte e Patrimonio de Galicia sobre a importancia patrimonial das razas autóctonas de Galicia e como estas inflúen na paisaxe galega e todos os elementos que a compoñen (obxectos, construcións, vestimenta, etc.).
Desde BOAGA protexen e promoven a conservación de varias especies autóctonas galeas: Gando bovino (Caldelá, Cachena, Frieresa, Limiá e Vianesa), gando ovino e caprino (Ovella galega e Cabra galega), e gando avícola (Galiña de Mos).
Davide amosou aos alumnos e alumnas algúns obxectos relacionados coa gardería tradicional que se están a perder: unha choca, un bozo, unhas tesoiras de tosquiar, e unha carapuza apícola. Serías quen de recoñecelos?
O día 4 de novembro visitaranos a arqueóloga Cristina Incio que tamén nos falará da paisaxe rural e, en relación coa charla de Davide sobre as razas autóctonas e o seu impacto na paisaxe, nos falará da casa labrega.
Ningún comentario:
Publicar un comentario