O día 9 de maio, vinte alumnos e alumnas de diferentes cursos entre 1º de ESO e 4º de ESO participaron nun obradoiro de patrimonio cultural inmaterial e radio, organizado pola Asociación Ponte...nas Ondas! e a Consellería de Educación, para a Rede Ponte...nas ondas! modelo de boas prácticas co patrimonio cultural inmaterial, da que forma parte o noso centro.
Este obradoiro foi impartido polo músico Pancho Álvarez, que fixo un oco na súa apretada axenda polo mundo, para transmitir ao alumnado a súa paixón polo patrimonio inmaterial, pola música e a radio. Ao longo de tres horas, o alumnado guiado por Pancho creou un programa de radio incluíndo entrevistas, temas de actualidade e actuacións musicais e puxeron o ramo cunha interpretación de todo o grupo de diferentes cancións populares galegas.
O resultado foi espectacular!! Deixámosvos unhas imaxes desta experiencia marabillosa, que deixou ao alumnado con ganas de seguir salvagardando e transmitindo o patrimonio inmaterial e facendo radio. Xa xurdiron algunhas ideas ben interesantes!
Ningún comentario:
Publicar un comentario