Árbores con historia

 As alumnas de 2º de bacharelato da materia Xeografía, Historia, Arte e Patrimonio de Galicia, levaron a cabo a sinalización das 32 árbores do eido do centro baixo a supervisión do equipo de medio ambiente do Concello de Ames.

Esta actividade desenvolveuse ao abeiro do proxecto Patio con(vida), do Proxecto Terra, e tamén formou parte dos proxectos Educación Patrimonial e Ponte...nas ondas! As árbores foron catalogadas no curso 2020-2021 e o Concello de Ames facilitou os postes de madeira e as plaquiñas de sinalización. As alumnas tamén gravaron un podcast para cada unha das árbores que será empregado para elaborar un roteiro autoguiado polas árbores do eido. 

Na foto superior, o equipo amosa as placas informativas antes de proceder á súa colocación. A seguir podedes ver diferentes momentos da colocación das placas do carballo, o carballo americano, a palmeira de abano, e o salgueiro.

E aquí vedes o resultado final na placa do carballo. Non deixedes de facer o percorrido polo eido do centro para coñecer as nosas árbores. Podedes facelo cantas veces queirades porque cambian á medida que van pasando as estacións do anos e sempre sorprenden!