I Certame de Just Dance no IESP de Ames

Levabamos todo o trimestre bailando sen parar, a competición estivo moi disputada e hoxe chegou o momento tan esperado da final do I Certame de Just Dance no IESP de Ames!

Este certame naceu con motivo dunha suxestión feita pola alumna Sara Pampín, foi organizado polo Departamento de Educación Física e o alumnado de 2º de bacharelato, e nel participaron alumnos e alumnas de todos os niveis educativos de 1º de ESO a 2º de bacharelato.

Logo de recibir as notas, reunímonos no pavillón municipal con ganas de festa. Da man de Paula Viñas e Iago Calvo, que foron uns mestres de cerimonia de luxo, gozamos dos bailes das distintas modalidades: individuais, en parella e en cuarteto.

  

Foi difícil decidir os gañadores pois o nivel do baile foi fantástico, mais despois de moito cismar e debater o xurado, formado por profesorado e alumnado, concedeu os seguintes premios:

Modalidade de baile individual: 3º premio para Sara, 2º premio para Emma e 1º premio para Anxo.

Modalidade de parellas: 3º premio para Anxo e Sofía, 2º premio para Emma e Inés, e 1º premio para Kasech e Lorena.

Modalidade de cuartetos: 3º premio para Anxo, Gaby, Sofía e Zoe;  2º premio para Alberte, Emma, Iago e Nayra, e 1º premio para Ariadne, Inés, Kasech e Lorena.

Moitos parabéns a todos e todas as participantes e moi especialmente aos gañadores e gañadoras!

Fóra do concurso, a festa continuo para profesorado e alumnado, que estmos xa agardando pola seguinte cita coa música e o baile!!