Danza barroca con distancia de seguridade

O pasado curso tivemos que suspender o xa tradicional obradoiro de danza barroca impartido por Loli Fojón da Academia LoDanzas para o alumnado de 3º de ESO de Xeografía e Historia por mor da pandemia.

Este ano puidemos recuperalo, adaptándoo as condicións actuais, sen festa e degustación de gastronomía barroca nin caracterización, e mantendo a distancia de seguridade.

Malia as limitacións, o obradoiro, celebrado o 26 de abril,  foi un éxito, e os alumnos e alumnas de 3º de ESO bailaron o minueto cunha elegancia que espertaría admiración na corte de Versalles!

Podedes ver o vídeo co resultado da aprendizaxe da danza premendo aquí.