O Día da Astronomía é un evento creado en Estados no 1973 que logo se estendeu arredor do mundo. Neste día promóvese a interacción entre o público xeral e astrónomos e astrónomas afeccionados e profesionais.
Ao primeiro este evento celebrábase en primavera, mais desde 2007 celébrase dúas veces ao ano, en primavera e outono.
O Día Internacional da Astronomía non ten unha data concreta senón que varía dun ano para outro en relación á influencia lunar.
Con motivo do Día da Astronomía, o Departamento de Matemáticas, coa colaboración do Clube Compostelán de Astronomía VEGA instalou no espazo Maruxa Mallo, enfronte da biblioteca, a fascinante exposición Decálogo do Astrónomo Afeccionado.
Nesta exposición podedes ver 10 carteis cos obxectos celestes que as persoas afeccionadas a esta ciencia saen a observar e/ou fotografar.
Cada cartel ten un código QR que podedes ler co móbil para entrar a unhas "audioguías" onde se explican cada un dos obxectos.
Amais dos carteis, atoparedes unha mostra de libros, revistas, vídeos e información en diferentes formatos sobre Astronomía.
Non perdades esta marabillosa oportunidade de achegarvos aos misterios do universo! Animádevos tamén a facer a enquisa de satisfacción recollida nun dos códigos QR pois é moi curtiña e pode dar información moi útil para futuras actividades.
Para calquera dúbida ou suxestión podedes dirixirvos a Carmen Castro, profesora do Departamento de Matemáticas e organizadora da exposición.
Ningún comentario:
Publicar un comentario