O comité climático xa está en marcha!

Sodes moitos e moitas quen vos apuntastes ao comité climático para asegurar que o noso centro é sostible tanto desde o punto de vista medioambiental como social. Moitísimas grazas polo voso interese!!

Como xa sabedes xa tivemos dúas reunións introdutorias e agora estamos traballando na formación de diferentes comisións para traballar en aspectos máis concretos: observación da natureza, creación dunha revista, campañas publicitarias, radio, elaboración dun protocolo, arte, obradoiros de reciclaxe, historia e convivencia, urbanismo e espazos verdes e moitos máis!

Tamén temos xa diferentes propostas de logos e lemas, e mesmo novas suxestións de nome para o comité. É todo moi ilusionante! Non esquezades entregar os ámbitos nos que queredes traballar para que así xa poidamos organizarnos en grupos máis pequenos e poñer en prácticas todas as nosas ideas.

Grupos de 4 de ESO nunha reunión de introdución ao comité climático.