O galego... lingua de namorar

A Secretaría Xeral de Política Lingüística da Xunta de Galicia convoca un ano máis o concurso Lingua de namorar para mozos e mozas de entre 14 e 35 anos, divididos en dúas categorías: entre 14 e 19 anos e entre 20 e 35 anos.

Para participar debes rexistrarte na web do certame xuventude.net e deixar unha declaración de amor en galego dun máximo de 350 caracteres. O prazo para participar estará aberto ata o vindeiro 28 de febreiro. Así que remate este prazo, abrirase outro, entre o 1 e o 7 de marzo, para que o público vote os mellores textos en cada unha das categorías. Posteriormente un xurado decidira as gañadoras entre as 50 declaracións de amor que máis apoios reciban en cada unha das categorías.

Anímate a participar!!