Escolma de cancións elaborada polo Club de Lectura de Cancións para o Día Mundial do Medio Ambiente

Co gallo do Día Mundial do Medio Ambiente, que se celebra o 5 de xuño, os alumnos e alumnas de 2º de ESO, integrantes do Club de Lectura de Cancións (CLC) do IESP de Ames, realizaron unha escolma das súas cancións preferidas relacionadas co medio ambiente e a necesidade de que cambiemos o noso comportamento en prol de acadar un desenvolvemento sustentable tanto desde o punto de vista ambiental como social.

Ademais da proposta de cancións, tamén vos deixamos dous poemas e varios debuxos realizados por diferentes integrantes de CLC inspirados no tema do medio ambiente e as cancións concretas que incluíron na escolma.

Música natural

O río canta,

a herba asubía,

as árbores susurran,

os paxaros recitan.

Coida o mar, a auga, a vida.

Non vives nunha deserta illa.

O mundo é noso, haino que coidar.

O mundo é noso, o noso fogar.

Paula Viñas, alumna de 2º ESO E e integrante de CLC

Natureza rural

Unha nena, polo monte pasea.

Os paxaros obsérvana

con moita cautela

cantándolle unha canción a capella

Coida o monte, coida o mar,

coida o de todos fogar.

Coida a beleza de onde vives,

presume dela se me permites.

A natureza é nai de todo,

non a estropees no teu pobo.

Respéctaa como fas con todos,

e disfruta dela moito.

Paula Viñas, alumna de 2º ESO E e integrante de CLC

Debuxos de Emma Arias, Carla Crespo, Alberte Carballo, Fabián Fernández e Alba Espasandín de 2º ESO A, sobre a canción Earth Song, de Michael Jackson.

Debuxo de Andrea Vilas, de 2º ESO E, sobre a paisaxe e a necesidade de coidala.

Debuxo de Andrea Barreiro e Uxía Fabeiro, de 2º ESO A, sobre a canción Le Pire, de GIMS.

 Debuxo de Carla Nieto, de 2º ESO C, sobre a canción What I've done, the Linkin Park.

Escolma de cancións

Respire, de Mickey 3D

A beautiful lie, de Thirty seconds to Mars

Colores en el viento, da película Pocahontas

Le Pire, de GIMS

What I've done, de Linkin Park

Aux arbres citoyens, de Yannik Noah

Tout le bonheur, de Sinsemilia

Madre tierra, Macaco

Earth song, de Michael Jackson

Páramo Pictures parodia a canción Despacito, de Luis Fonsi,  na súa canción Alcolitos.

Imagine, de John Lennon