Cartas humanistas

Xa podedes visitar a exposición Cartas Humanistas na nosa biblioteca e gozar das apaixoantes e belas cartas escritas polos alumnos e alumnas de 3º de ESO B, C, D e E na materia de Xeografía e Historia.

As alumnas e alumnos tomaron o rol de humanistas e escribiron acerca das súas investigacións sobre algún autor real da antigüidade clásica e acerca dun autor real humanista. 

Traballaron o papel para imitar o da época, realizaron ilustracións acompañando o texto, recuperaron terminoloxía da época xa en desuso, e mesmo realizaron un glosario de termos.

Finalmente, os alumnos e alumnas intercambiaron as súas cartas a través do correo postal, promovendo así un xeito de comunicación que progresivamente se está a perder e experimentando a emoción de agardar novas de alguén e a maxia de abrir un sobre para acceder a un mundo de aventuras.