Explorando o patrimonio da contorna

O mércores, 3 de abril, os alumnos e alumnas de 3 de ESO A e F de Xeografía e Historia visitaron dous elementos do patrimonio da nosa comarca. Esta visita realizouse como parte do proxecto Mirando polo Camiño no que o alumnado está a participar facendo un estudo do patrimonio da Idade Moderna en Ames. O proxecto está englobado no Plan Proxecta da Consellería de Educación, Universidade e Formación Profesional.

Os elementos do patrimonio visitados foron a capela de San Xoanciño de Pousada en Ames, e o Pazo de Antequeira en Rois. A visita foi guiada polo arquitecto Juan Barcala que participou nos traballos de restauración de ambos bens.

 O grupo no adro da capela de San Xoanciño en Ames.

 

O grupo na fachada principal do Pazo de Antequeira en Rois.

 

Foto de grupo nos xardíns do Pazo de Antequeira ante a faia que é considerada a máis antiga de Galicia.