Botádelle unha ollada ao que están a facer as persoas participantes no itinerario de Florería do PFPP do centro como parte do traballo do seminario e guiados por Iria, profesora de Agroxardinería e composicións florais! Animádevos a experimentar tamén vós coa florería!
O profesorado realizou xardíns eternos e kokedamas. Sabedes o que é cada unha delas? Os xardíns eternos son ecosistemas dentro dunha vasilla e as kokedamas son unha presentación xaponesa das plantas sen testo.
Durante outra sesión grupal o profesorado practicou a selección do material vexetal presente no eido máis apropiado para aplicar as técnicas de conservación de material vexetal tales como prensado, secado ao aire, secado con sílice, preservado con glicerina e tintado de material vexetal.
Para finalizar, as persoas participantes no seminario realizaron coroas ou grilandas co material que conservaran na xuntanza anterior. Primeiro seleccionaron a vexetación do eido nesta máis acaída para usar como base para a decoración da grilanda (Wisteria sinensis en primavera e Salix viminalis en inverno). Despois decoraron as coroas con vexetación conservada de diferentes maneiras.
Ningún comentario:
Publicar un comentario