Samaín 2024

O 31 de outubro celébrase a festa tradicional do Samaín, e este ano O equipo de Dinamización Lingüística, o Equipo de Biblioteca e o alumnado das materias de Xeografía, Historia, Arte e Patrimonio de Galicia e Inglés, quixemos facer unha actividade que dera a coñecer as características do Samaín e as súas diferenzas co Halloween.

Para iso as alumnas realizaron unha investigación sobre as características do Samaín e as súas diferenzas co Halloween e a partir de aí elaborou unha exposición dividida en diferentes seccións:

Sección Samaín en obxectos e na biblioteca, de bibliografía e recursos audiovisuais, así como de obxectos relacionados co Samaín, acompañados de cartelas explicativas.

Sección Os seres queridos que xa non están, de homenaxe aos defuntos de cada familia, retomando a tradición de colocar un prato e cubertos na mesa a noite do 31 de outubro.

Sección Canto sabes sobre o Samaín? para a participación activa das persoas asistentes á exposición, na que se propoñían diferentes afirmación sobre as que as persoas visitantes tiñan que decidir se eran verdadeiras ou falsas despois de documentarse percorrendo a exposición.

Sección Halloween through time and space, onde o departamento de Inglés analiza as relacións entre Europa e América do norte ao longo do tempo en relación á celebración do 31 de outubro.

Sección A biodiversidade ameazada pola superstición, na que se analizaban diferentes mitos relacionados con animais que chegan a poñelos en perigo, e na que os propios animais desmontaban esos mitos baseándose na ciencia.

O grupo tamén decorou o interior da biblioteca e preparou marcapáxinas artesanais con temática do Samaín para repartir ás persoas que collesen libros en préstimo o día 30 de outubro.

Ademais da exposición, as alumnas de Patrimonio de Galicia realizaron a actividade Truco ou trato, na que visitaron os diferentes grupos de 1º e 2º ESO e fixeron unha representación teatralizada do Samaín e unha actividade de preguntas sobre o Samaín. No recreo, realizaron a actividade co alumnado que se atopaba na biblioteca.

A seguir podedes ver diferentes fotografías do proceso de traballo. Moitos parabéns, rapazas!