Revolución Industrial e cambio climático

Os alumnos e alumnas de 4º de ESO da materia de Xeografía e Historia están a traballar na Revolución Industrial e o seu impacto tanto na sociedade como no medio ambiente ao abeiro do PFPP (Proxecto de Formación Permanente do Profesorado) A cultura da sostibilidade IV. Para iso están a analizar diferentes obras realacionadas con este momento histórico tanto en Europa como en Galicia.

Os alumnos e alumnas están a traballar con literatura, analizando fragmentos da obra de Charles Dickens, Elizabeth Gaskell ou Víctor Hugo nun contexto global, ou Emilia Pardo Bazán no contexto de España e de Galicia. Os alumnos e alumnas tamén se están a aproximar á obra da autora por medio do conto ilustrado A nena lectora, de Manuel Rivas e Susana Suniaga, publicado recentemente. Preme aquí se queres ler unha reseña da obra.

A pintura é outra manifestación artística desde a que os alumnos e alumnas están a analizar a Revolución Industrial e o seu impacto mediambiental e social a través da cadros tan coñecidos como Chuvia, vapor e velocidade, de Turner; ou O berro, de Munch.