Comeza o curso 2019-2020!

O verán pasou voando e xa estamos de novo no centro. Onde mellor? Estamos desexando comezar un novo curso cheo de aventuras, proxectos e lecturas compartidas.

As portas da biblioteca xa están abertas para que veñades consultar as novidades en lecturas e audiovisuais, anotarvos en proxectos e nos diferentes clubs de lectura dispoñibles no centro, e facer suxestións para mellorarmos entre todos a nosa biblioteca.

E se queredes ter un papel aínda máis activo, non dubidedes en facervos voluntarios e voluntarias da biblioteca.

O tema das bibliotecas escolares para este curso é A cidadanía. Esperamos que o atopedes interesante!

 Benvida a todos e todas e feliz curso de lecturas!