Escolma de cancións en galego recompilada polo Club de lectura de cancións para o Día das Letras Galegas

Co gallo do Día das Letras Galegas, o Club de Lectura de Cancións (CLC) do IESP de Ames, formado por alumnos e alumnas de 2º de ESO, fixo unha escolma das súas cancións preferidas en galego.

Os integrantes de CLC queren destacar a versatilidade da nosa lingua para tratar calquera tema e utilizar calquera estilo musical. Cancións de amor, cancións sobre a igualdade, cancións reivindicativas, cancións humorísticas e calquera cousa que queiramos. Todo se pode expresar e cantar en galego!

Se tes algunha proposta para incluír na nosa escolma, non dubides en enviárnola e engadirémola na listaxe para podermos seguir cantando xuntos en galego!

Ademais da escolma de cancións, o Día das Letras Galegas tamén serviu de inspiración para o acróstico de Paula Viñas e o debuxo de Andrea Pampín que recollemos a seguir:

Galego sempre

Galego, letras galegas.

Antes, agora e despois, podes velas.

Lonxe, preto, de ti están cerca.

Eran, son e serán a túa lingua.

Galego, sempre, persoa, idioma.

Onte, hoxe e mañá, á túa beira.

Só, acompañado, non teñas vergoña.

Eres galego, e a moita honra.

Morriña, si, de estar galego.

Podes falalo sen medo.

Ri, chora, faino en galego.

Eres galego, e a moita honra

Paula Viñas. Alumna de 2º ESO E e integrante de CLC

Andrea Pampín. Alumna de 2º ESO E e integrante de CLC

Escolma de cancións

Negro caravel. Versión de Sabela e Rosa Cedrón do poema Caravel Negro, de Rosalía de Castro.

Como eu canto, de Ses

Un día, versión musicada do poema de Celso Emilio Ferreiro, por Son Trío

Cantiga da montaña, de Xabier Díaz & Adufeiras de Salitre. Con vídeo gravado en Pontemaceira!

O meu mundo é, de Brinca Vai!

A palabra ten vida, tamén de Brinca Vai! Un xeito divertido de aprender sobre as letras galegas e os escritores e escritoras máis sobranceiras. O vídeo foi feito polo profesorado e alumnado do CEIP Antonio Pedrosa Latas.

Préndeme o boi, a parodia da canción Duele el corazón, de Enrique Iglesias, creada por Páramo Pictures.

E isto é amor, de Caxade

Matriarcas, de Guadi Galego.

E para rematar, música e danza, tradición e actualidade, coa escola de danza viguesa Media Punta interpretando a coregrafía Galicia. A Muiñeira de Chantada, de Avelino Cachafeiro, reinterpretada a ritmo de Hip Hop.