Bibliovoluntariado da biblioteca

Este curso volvemos ter na biblioteca un equipo de bibliovoluntariado!! Que non sabedes que é iso? Pois un grupo de alumnos e alumnas que forman parte do equipo da biblioteca e traballan coas profesoras na xestión e dinamización da biblioteca, é dicir en asegurar o mantemento dos fondos e o voso acceso, en mellorar o funcionamento da biblioteca e en facer que esteades a gusto e participedes nela.

Este curso o equipo de bibliovoluntariado está composto por 25 alumnos e alumnas de case todos os cursos do centro. Só nos falta 1º de bacharelato, FP Básica e ciclos, así que vos animamos a que participedes!

Aínda que xa os ides coñecendo, para axudarvos a que os identifiquedes, levan posto un chaleco azul e unha chapa co seu nome. 

O equipo de bibliovoluntariado é moi entusiasta e fai todo o posible para axudarvos, así que, por favor, facede caso das súas indicacións e tratádeos co mesmo respecto co que vos gustaría ser tratados vós.

Se vos gusta a biblioteca e axudar a outras persoas, animádevos a apuntarvos no bibliovoluntariado. O voso labor terá un recoñecemento oficial como voluntariado cultural e ademais poderedes acceder a actividades como premio ao voso esforzo.

Aquí podedes ver o proceso de realización das chapas: